أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
فلاح البذالي 
لا إله إلا الله محمد رسول الله
يالخفوق
يالخفوق اللي من الضيق / لليل اشتكى
خابرك لا ضاقت افجوجك القفرا /صبور
عقب ما كنت القوي طاح عزمك/ للوطى
إنتهض ما دامك اللي على الشده جسور
الظروف ان شانت إتزين / لو بعد البطى
كل ما (يقبل)مع الوقت لابده ( دبور )
هذي الايـام تاخذ / وترجـع بالعطى
دِبرتْ اللي فوق عرشه امقسّم هالامور
عانِق النجم السماوي لو انك بالثرى
خيل برّاق المزن ..لا تناظر لك زبور
الـرّجال انواع واصنافهم فوق اعشرى
والمواقف تنبي الرجل لو ماهو يشور
رجل قدامه ولد عم ... وكنه ما يرى
لو ابن عمه يجمله ! من طبعه غيور
ورجل باعراض البشر كم باع وكم شرى
لا لقى له سالفه خايبه .. جاله سرور
ورجل عند الناس له صيت لامِنه إنطرى
شيخ فعل..وشيخ ديوان ..ما والله يبور
ورجل قاطع والدينه .. من اسباب المرى
حطته لها الحليله ... ذلـولٍ للعبور
ورجل مقرودٍ تجيه المشاكل ما درى
حظه المقرود يرميه في قاع البحور
ورجل لا جيته ماغير أبشر وتم وقضى
وداخله يقول لازمك ممنوع الظهور
ورجلٍ ابعد ما يشوف المراجل ..بقهوى
وغيرها يمكنّـك إتحصّل ابريقه يفور
ورجل لامنك نصيته .. ترددها ( أفا )
ما تحصل غير عذرٍ ..عن اللازم يدور
ورجل منصى للوازم وظاري للعطى
لا نصيته ابشر بحاجبٍ فيه السرور
ورجل لاجيته عسى والدينه للبقى
لوّه ما يقدر على شي!! لكنه يثور
يفزع وينشد ..وتلقاه لك ستر وغطى
ما يقصّر.. ذاك والله معدّيه القصور
هذي بعض اوصاف ياخافقٍ ضاق وسرى
في دروب اعتاب وقتٍ من الناس محشور
9️⃣✋