أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
مرزوق بن مدلج 
لاطاب راسي ياعسى الوقت مايطيب عزة فقير ولامذلة غناوي
يوم القيام
#قصـيدة_القـيامـه
وشـ عـاد باقـي لاتـقـوم الـقـيـامـه
مافيه شئً ن في الزمن عـاد ماصار
ياللـه سترگ والعـفو والسـلامـه
من الخزي والذنب والذل والعـار
اخـر زمـن مابقي الـا عـلامـه
إن الاسد يموت من عضة الفــار
شف البوم ماعاد مافيها رخـامـه
مشـرّهـ تطـيـر وتصـيـد الاحرار
وشعيل حمله فوقه ذروة سنامـه
يزيد جورهـ جور لو كان صبّار
هذا الزمـن ماعاد يعرف نظـامـه
مضيع دروبـه من يمـيـن ويسـار
مدري علينا أو عليـه الغرامـه
ولا مثـل ماقيـل دوار دوار
اللي شهر صيتـه بـلايا كـرامـه
مجنون لكن ماسكـن داخل شهار
مثله ومثـل اللي تسمع كـلامـه
مسلسل الكرتون في نظـرة صغار
يالتافهين واللـه مابـه مـلامـه
اللوم يلحق كـل عاقل وبيطـار
مفروض شرواكم يـقل إحتـرامـه
ويعيش عمره دون هيبه ومقدار
هذاالصحيح اللي ينور ظلامـه
ومن يزعله يطق في راسه جدار
لايغركم ملـيـون فـيـه انفصـامـه
لازال بدنـيـا عواريف وخيـار
أنـا وغيري نعـرف الاسـتـقـامـه
والواقع الواقـع ولاحولـه اغبـار
الواهم اللي عايشن في هيامـه
قولولـه أنه ماجناء عـز و أثمـار
جريتها بصوت قـامـه و قامـه
قصيدتن تحسب على كل الاقطار
ياللـه عـفوگ والـستر والـسلامـه
من الخـزي والذنـب والـذل والعـار
الـشاعر/ #مــرزوق_بـن_مـدلـج