أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+1
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
الشاعره حرف العنا 
حسابي بالتويتر @hrooof2015 حسابي بالإنستقرام @hrooof2009
ماقدرت انسى !
هنيالك ،،،بعد حبي ،،،عرفت اشلون تنساني
وانا اللي ماقدرت انسى كثير اشياء ضمتنا
تركت بخافقك ونه ،،،،،تقلل بالهوى،،،، شاني
ليا منه نبض قلبك ،،،على طاري ،،،،محبتنا
انا اللي ماعرفت اقراك مات الحكي بلساني
اخاف ان عاذلي يفرح ويسعى في مذلتنا
تذكر عامنا ،،،،،الأول خفوقك كيف واساني
وانا اللي جيت لك مجروح و الأقدار ساقتنا
الا ياروعة ،،( الأردن ) يجيبك ثلجها عاني
يبعثرنا الهوا البارد ،،، ،،،ويحلى جو ليلتنا
تذكر صوتي الدافي ،،،تذكر اعذب الحاني
تذكر مزحنا ، وشلون نضحك من بساطتنا
يراودنا الوله والشوق فاز ،،،بعامنا الثاني
عن الأنظار نتوارى ،،،ونغفى في سعادتنا
غلاك مخالطٍ دمي جرى في وسط شرياني
بك اتنفس بك اتغذى وصار الوصل عادتنا
رياض الحب لك تشهد شهر من وقتنا هاني
سما الأشواق تجمعنا بعد ما الأرض حاستنا
تذكر غيرتي وشلون ،،،،كنت اصد واعاني
واجيك امن الزعل ابكي على طاري انتكاستنا
اغار امن الحمام اللي يغازل طلتك عاني
هديله كيف ،،نرفزني ،،،،،وعكر صفو جمعتنا
تذكر يوم سافرنا بعيد ،،وزادت احزاني
مع برد الشتا نغمة ،،،،ضروسك كيف جابتنا
تطقطق من قسى هالبرد تريح قلبي وتعاني
تمص الضيق من صدري ويكمل ليل فرحتنا
تصدق عامنا الثالث سطع هالحب واعماني
اغار وياسمين الورد ،،،بـ الإحساس شتتنا
انا اذكر يوم ودعنا بعض شهرين وش جاني
هزمت الغيره وشوقي و ، رفعنا فوق رايتنا
دخلنا عامنا الرابع وانا لك تنبض اشجاني
لو العذال، تتغلغل ،،،،،،تبي تفرح بطيحتنا
اجيلك بالوله طاير ،،،،لو الإحساس ناداني
اسامر طيفك،،،الوافي نجوم الليل شافتنا
نسيت احساسك المرهف بكل حروف تلقاني
نسيت البر وعلومه نسيت ،،،اسرار خيمتنا
تعال اسئلك كم مره خذاك الشوق لأحضاني
وكم مره معك سافرت ،،،،وكم احداث مرتنا
خسرت كثير من حبك خسرت اهلي وخلاني
وضحينا انا وانته،،،،،،لجل تبقى علاقتنا
تغيرت وتغير شي ،،،بأعماق الحشى باني
احسه شي مادري ،،،،،تقول عيون صابتنا
اغار وصارت الغيره سبب من شان تنساني
مع غيري ،،،سواليفك ،،،،،مع الأيام خانتنا
شكيت وقلت لي ،،،،روحي وهالمره علشاني
تخليت ودفنت ،،،الحب ،،،،ولا هزتك دمعتنا
تخيل وش جرى فيني ليال النوم ماجاني
احس امن القهر باموت،،، والأشواق ذلتنا
اجيك اتوسلك ترضى كلامك بالجفى كاني
يصير الخير ماهمك وزدنا في انتفاضتنا
ابصبر والصبر حكمه وجيتك يومنا الثاني
لقيت الرد جاف ،،،،اكثر كأن النفس عافتنا
بزع نور الصباح وجيت ادور فيك برهاني
صباحك خير لا اكثر دواعي الشوق سابتنا
غفيت ومرني حلمٍ ،،،،وداعك فيه نسياني
وردك كان لي ماني ،،،،مفسر في تعاستنا
طفح كيل الصبر فيني نويت ارحل بإحساني
مدام انك تبي ،،،،فرقاي ،،،،،يابايع مودتنا
تركتك للذي ،،،،لجله عجزت ،،،،اليوم تملاني
تركتك للذي ،،،قربه ينكد ،،،صفو عيشتنا
هنيالك ،،،بعد حبي ،،،عرفت اشلون تنساني
وانا اللي ماقدرت انسى كثير اشياء ضمتنا