رفيق ابليس

مثلك رفيق ابليس ،،وابليس، ملعون*  
يسحبك لدروب الردى ثم يهدك
يا خاين العشره ترى العشره اتهون
ياملطخ بدم الشرف،، كل يدك
ضاع الوفا ضاع العمر ،،ضايع الكون
واحترت أنا مابين جزرك ومدك
ليه احشمك واقدرك وانت في، دون
قلي وش اللي للتفاهات، حدك*
جيت اكشف اوراقك واناظرك بعيون*
تبكي من الآمك و أنا اقول سدك*
خنت العهد واقفيت وغيرك،، يعانون
واشقيتني والعمر، ماهو بيدك
تخون واصبر واحبس ،الدمع بجفون*
ارويتها بدمع القهر قبل شهدك*
والسالفه ،،اكبر من،، اللي يعدون*
بان الدنس مع خيتي باح سدك
تطعن،، بحد السيف وتقول مطعون*
ضيعت بأفعالك ترى صيت جدك*
جرحتني ،،جرحين،،، وبالدور يلفون*
والثالث اقوى ياجبل كيف هدك*
وين الصلاه ياللي من الذنب ،تجنون*
نسيت نفسك،، يم ربي،، مردك
اشكي ،،هموم القلب وابوي مغبون*
يومه مثل تاجٍ على الراس عدك
ولا عيالك ،،وان دروا ،،وش يقولون*
لاطحت يا قدوة من اللي يردك

بقلم الشاعره حرف العنا