أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+1
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
ياحزنها ايامي
مساء الخير
يا حزنها ايامي
تركتني ما بين وردك اعاني
واخذت من عشبة غلاي وتعافيت
ظميتني وصلك عقب ما سقاني
واغريتني الخطوه ولكنك اقفيت
وتركت لطعونك من اللي كفاني
وجادت جروحك بس ماعنك لديت
رمحك وما لاق لجروحي وشاني
وفيت في سعيك لهجري وكفيت
جاهدتها ظنوني وشوقي نعاني
وجاريتها احلامي لشانك وجاريت
يا كسرة الخاطر على ما دعاني
ياحزنها ايامي على ما تمنيت
انا احتسبتك باحتساب الاماني
ونا ذخرتك بس للدين ما وفيت
سطوة غلاك وهاجسٍ ما نساني
جرت علي من العنا يوم صديت
ولا زن وسواس الهوى لك خذاني
وشيطان شوقي حن نجره ودقيت
تسكن رماح الصد صدر المحاني
ويطغى علي صوتٍ شبيهك ولبيت
غربة مشاعر ما تبي حل ثاني
دامك عن اشواق المعاليق شديت
ودامك رضيت بما زرعته وجاني
بودعك والعين في حيها ميت
سعودالدوله