أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
عويل
نسم علي الهوى من مفرق سهادي
وفاض النهر لين ما بلل طرف جرفه
.
يْلج باذني عويل و "آه" أصفادي
كل ما تحركني إن مر الهوا رجفة
.
أرهقني تفكيري اللي زاد إجهادي
في ذنبي اللي أحبه كل مَا اقترفه
.
ما بين أحبك "حرام" وصدقها البادي
قالت ملايكتي: وش نكتب على كتفه!؟
.
أنا ضحية صراع النفس وعنادي
أنا اللي قوة قراره سببت ضعفه
.
خليتك تروح مثل اللي رجا منادي
مشى شوي ، التفت ، ما في أحد خلفه
.
يا قو قلبي ، مواطن نافي بلادي
من بعد ما شلتها في داخلي لهفة
.
كنت أحسب ان الفراق وغيبتك عادي
الين ذقت المرار اللي بعد قطفه
.
وش كان مدريني ان الغيب جلادي
لو اعلم الغيب ما أمنت بالصدفه
.
من دورة العام أعرف يوم ميلادي
ويمرني يوم موتي بس ما اعرفه
.
#أحمد_مطلق العنزي