أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
شالك والعبــات
المصايب جيش والفرحه شتـات
وابتسامي حلم والواقع غبيـن
والخفوق يجف وعيوني فُــرات
والليالي شانت وحظي يشيـن
كل هذا منك يا ملح الصفـات
آه يا ساس السعاده .. لو تجيـن.!
الليالي في غيابك حايرات
والعمر عقبك تنازل بالسنين
رمز حبك استحل قلبي وبات
في ضميرٍ شالك بعشقٍ متـين
بذْكرك بالخير واهل اعبـرات
وانثرك دمعه واضمّك باليديـن
بعد طيفك صفحتي صارت فتـات
حي ميت فيك ياربي تعيـن
مو حرام يصير عمري ذكريات..؟
وانت بيدك جرح.. وآهات وحنين
كل شعري للسنين الماضيـات
كلنا لك يابعد دمع وجبين
ياوسيع البال ياسكر نبـات
ياحلا هالكون ياكنزٍ دفيـن
بس تكفى جيب شالك والعبـات
جيبها لي يابعد حينٍ وحيـن
جايز اني بحالتي حول الممـات
بسبق الموته واخليها كفيـن
ياجماعه مايلي كلٌه وصات
للحبيب اللي كوا دمع وجبيـن
كانت اجمل هم صافحني وفـات
فات في خافق على العشره امين
قولو اني اعشقه بكل الجهـات
من يساره في امامه واليميـن
هو غرامي مهجتي (سيد البنـات)
جايز انه نور متخفّي بطيـن
ماحدٍ غيره فتني بالحيـاة
وماحدٍ غيره يخليني حزيــن...