انا وقلبي

ما كل ما نكتب من الشعر نلقيه         
          اغلا القصيد يموت في وسط الادراج
الشعر لا ما صار واقع نعانيه         
          يصير للي يسمعه مصدر ازعاج
شعر(ن) يخلد فالعرب طيب راعيه         
          وشعر(ن) يجيب لصاحبه هم واحراج
أصدق قصيد اللي يجي دون داعيه         
          فجأه يجيك بلا بروفه ولا اخراج
وقلبي اللي كل ريحن توديه         
          مثل السفينه بين غبات الامواج
البارحه والليل كله مشاريه         
          انا وقلبي بيننا وقفت حجاج
على وليفٍ كل ماحل طاريه         
          يفز قلبي لا ذكرته ويحتاج..
اني على بعض الخطايا اجاريه         
          وانا احسب حساب شامت وهراج
ناسٍ تجيب الهرج ناسٍ توديه         
          طموحها التزييف فكره ومنتاج
والا انا في ذمتي اني أغليه         
          هو عارف انه ساكنن قلب فراج