تسجيل الدخول
الاكثر أعجابا
الاستفتاء
القائمة البريدية
يابنت
يابنت ياللي ماستر راسك الشال
وبزعمك انك من كبار العوايل
انا بقول الحق والحق ينقال
اللي تستر هي بنت الحمايل
ماهوب في كشخه وخاتم وسلسال
الستر لعيال الحمايل دلايل
يابنت لو قلتي لي المهر بريال
والله فلا اعنز عليك السلايل
والله لخطب اللي على راسها جلال
لو كان مطلبها ثمانين حايل
انا ليامني خطبت ابغي عيال
ابي العيال اللي تشيل الثقايل
ولامن خطبت اختار لعيالي الخال
والدين عندي هو سيد الفضايل
قالت قسم بالله ماشفت رجال
مثلك بغى حجر السنين الاوايل
قلت الصحيح يصح لو مرت اجيال
ركب الكدايش غير ركب الاصايل
ماهو بذنبي ماعرفتي لك رجال
ذنب الزمن خلّا النشامى قلايل
ولانيب لا رجعي ولاجيت خيال
ولا شايلٍ سيفي وصايل وجايل
انسان متعلم ومن ناس عقّال
وفتحت عن نهج الحضارات فايل
انا حضري ماني بنازل ورحّال
لو ان ربعي بين ضلعان حايل
وانام في بيت ومكيف جنرال
واسوق سياره وعندي موبايل
ترى البداوه فعل ماهي بالاشكال
والسلم مانرضى عليه البدايل
وتبعت سلم العود واصبحت وبال
ونقيت لي من الذود دق وجلايل
الطيب لاهل الطيب يبقى ولازال
واعرف سلوم الطيب والشك زايل
ولا شفت انا عقال السناعيس ميال
غصبٍ عليه عقال راسي تمايل
السالفه ماهي بتميلة عقال
السالفه دمٍ بهالعرق سايل
يابنت دام الدم بعروقنا سال
كلٍ على عقله من الفكر شايل
لكن لو قلتي المهر بريال
والله فلا اعنز عليك السلايل
صحى لسانك
هناك خطاء مطبعي في اخر بيت
صدر اخر بيت
اتوقع الصح كذا
لكن لو قلتي لي المهر بريال
تحياتي
صح لساااااااااااااااااااااااااانك
سجلت اعجابي فيك
وانا من اشد معجبينك
وابي ترسل لي كل جديدك تكفى