(( عشق ---> هل الهدلا ))

لاضــاق صدري غصْـب أسوق المراسيل

 للصــاحـب اللـي كلمتـه تطـرب البــــــال

بـديـار ابو سلمان يا جعلها السيــــل

إيـــــــاد فيهــا مقصــدي طيـّـب الفـــال

بشكـي عليـك الحـــال ليتـه تساهيــــل

عســـــاه فـي رجــواك ياخـوك تـنــْـقـــال

تــرى الهـوى لــو بـه حيـا كـان مـا قيـــل

ولا هـــو بعيــب ٍ يتــْعـــب القلــب ولــوال

حـب الشــرف مــاهـو غـــرام ٍ و تمثيـــل

عشــق الهنــوف اللي خذت باقي الحـــال

بنــت الشيــوخ اللـي تقـود الـرجاجيـــــل

 مــا هي سليلة ناس  ٍ(ن) انجاس وأنــــذال

لكــن جمـاركهــم سبـب هـدّة الحيــــــل

 خلـــّــو عـزيــز النفــس للضّيــق مدهـال 

يــ أيــــــاد لــو دونــه سيــوف وغــرابيـــــل

 حنـــا ((هل الهدلا)) بنا عشْق الاهوال

لـو هـي ورى بغـــداد لأسري مع الليل 

 وامشــي علـى شـط العـــرب شبـْه زلــــزال

ولـو هي ورى عمّــان لـو هـي ورى النيـل

 مــاهمـّـنــي لـــو يقــْـضـي العمْــر رحـــــال

ولا حسبت حْساب للـمــتــْـر و الـميـــــــــــل

 دنياي عقبه  ما  تساوي  لها  اريـــــال

زهّـاد مـن دون العيــون المضـاليـــــــل

معـــــزّة المجمـــول تشـــــرى و تـنـْشــــال

مليت  اكفكف  دمعتي  بالمنـــاديـــــــــــــل

 يــ اهـل الـدلـع مـافيـــه داعـــي للإرســـال

امــا تجـــي يامنـــوة الـــــروح واتــْـميــــــل

وإلاّ صِدَح صــــوت الغــــرابيــل مـــــوال