الطبع غالب

اخطي

واعَـرْف ان الخطا

وارد على المخلوق غير ( المصطفى )

والكل عرضه للزلل /

واخطي واعٓرْف

ان اغلب اخطاء البشر

دايم تجي من دون قصد /

وما تمادى في خطاه إلا الردّي

واخطي واعرْف ان العليل يحب ذم الغافلين /

واخطي واعرْف الناقص اللي

مايشوف الناس غير بنص عين /

واخطي واعرْف ان الوصولي

شخص مِتـْسلّق ومنزوع الكرامه والحيا /

واخطي واعرف ان المنافق

يصنع الظالم إلـه ويعْبُدَه

وان النفاق

اعظم جرائم أمة الاسلام وادري

ما وصل للدرك الاسفل من فراغ /

اخطي نعم اخطي

ولكن ماتكسّب من خطاي

ولا مشيت بنيـّتين /

ومبْـدِئي ثابت ولا عمره تزحزح

لايسار ولا يمين  ً،، (ولا أكنَ ولا ألين ) /

( الطبع غالب ) ماتغيّر

ابتسم لأصغر صغير ان كان طاهر

واللعين العن كديده /

وانتي اتهرفين مدري وش تبين

ووين ودّك توصلين ،،

وليه دايم تسألين وكل همك ،، قول قول

وليه اقول!؟

ان قلت يعني تفهمين!؟

ولو فهمتي تستحين وتقنعين

ان القهر ملعون صير بْلا وضوء

صلاّبنا شرق وتوطّانا وحنا ساجدين

وحضرتك يلعن غبائك ،، ما فهمتي

ترجعين وتسألين!!