في الدفاع عن رسول الله صلى الله عليه وسلم فدته روحي

تبارك ربنا اللي كل عبدٍ في رجا ظله
            تعالى خالق السبع الشداد و ما عرج فيها

كريم  وقادر وقاهر وربي غافر الزله
               يسوق الحاملات الوقر يامرها وينشيها

ويجري في البحر فلكٍ عظامٍ فوقه يشله
              فسبحانه عظيم الشان مجريها ومرسيها

يسبح له ملكوت ومجرات خضوع له
                 حنيفيٍ عطر ذكره بقاع الأرض يحييها

صلاة الله وتسليمه على طَـه خليل الله
              عدد ما ركبت وفود الحجيج لبيت داعيها

شفيع الأمه الصادق شروق وشمس مطله
                     على الدنيا ومن فيها يعلمها ويعطيها

من القرآن تشريعٍ وشفاء لنفوسٍ مغله
                        تخبط في ظلام الكفر بأولها وتاليها

ويشرق نور الإسلام وسيوف الحق منسله
                   تحارب كل طغيان تجاوز في ضواحيها

فداك الوالدين وفدوتك روحي رضاً لله
               وعين ما بكت لاجلك عسى الخلاق يعميها

وعسى من يرسمك يسخر عسى كفيه منشله
          وعسى من طال من عرضك سموم الموت يفنيها

وآنا  اللي كلما تذكر بكيت بدمعي أهله
                  وشوقي زاد للجنه وذي روحي وأمنّيها

#شواهق_نجد #شلفاء_الجزيرة