خادم البيت

تعوذت من ذنبي بربي وصليت

وذكرت رب الكون جلا جلاله

وأخذت أوراقي وحبري وسميت

وكتبت من شعري بيوت ن جزاله

بيت ن يجر البيت ويكمل البيت

قصيدة ن تهدئ ل شيخ اﻷصاله

جاني النداء ومن الوفاء عجل لبيت

بذكر عريب ن وأفيات إخصاله

بغرف من بحوره عساء ماتونيت

وأبئ أسقي الضامي بعذب ن زلاله

ياسيدي راعي الوفاء وأفي الصيت

ياوالد ن همه براحة عياله

ياما لشعبك جبتله ماتمنيت

جبت الوظائف في وداع البطاله

وجبت المدارس والمعاهد وسويت

نهضة علوم ن وآفيه ب العداله

وجبت الزياده ب الرواتب ووفيت

ونصرت مظلوم ن ورديت مآله

وجبت المشافي من بعد ربي أشفيت

يا أبو اليتيم ويا ملبي سواله

ومن هم شعبك مارقدت وتهنيت

يشهدبها ظهرك وشيلة جباله

ويوم العداء لديارنا قمت صديت

صدت شجاع ن لفها في حباله

وشفت المنافق ماهو حي ن من الميت

مانستمع له في علوم الجهاله

حنا علئ يمناك ياخادم البيت

ماننثني لو كل خاين ثناله

بادرت بحوار الوطن ثم مديت

درب السلام مغلف ن في رساله

بصدق الفعايل ياملكناء تحليت

وشعبك يحبك ويفتديكم بحاله

والمعذره في وصفكم كان زليت

وصف اﻷبو من واحد ن من عياله

وصلاة ربي عد من طاف ب البيت

وعداد من لباه ومنهو دعآله

علئ نبي ن لأذكرته تعزويت

نبيناء إلي صان نهج الرساله

#المهاء_الحارثيه