#لبيك_ياسلمان

سمعت لي لحن تغنا للفدا دون الوطن

لحن يخلي سامعه يقدم علئ جال آلحد

بدع ن من القرني بدع جاراه سلطان وزبن

وتكاتفو الشعار في لحنه ومن غنا وجد

جوفه سحايب للوطن من طيبها جن يرعدن

ودام الوطن ياشاعره ماهو بحكر ن في أحد

صيحي علئ الترفات لو فيكن مرؤه وإكتبن

مابه عذر لو عذركن حتئ اللسان إليا إنعقد

هاتن جزيل أشعاركن بين الفرآيس هيضن

وبل ن من الشاعر نزل وبل يباريه البرد

ناديتهن من هاجسي بنات فكري يوم جن

حطن حمول كتوفهن وثم رددن جينا سند

صفن كما جيش العرب يومه توحد فاليمن

تكاتفن من جزلهن ولاعاش من فيهن نقد

تراقصن في ساحة الميدان وفيها غطرفن

صبر الحليم إلي بناء فقلوبهم سور الحسد

وعزم الجنود إلي تحالف دون جارن في عدن

ناداء وحنا للنداء نكشف عن آنياب اﻷسد

ولاينكسر ولايضطهد من في حكومتنا زبن

جينا نلبي للنداء يوم الرديء عنهم قعد

لو كان فيها موتناء كلن بيشري له كفن

وشرهتك حق ن ياعلي لو واحد ن منا شرد

وجهك سواده منجلي وجهك ملطخ بالعفن

وأما تموت وتندفن ولا تعيش وتنطرد

المهاء الحارثيه