أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
نهار بن طواله 
اخر الدنيا قبر وامتار خاامه والحزن ساعات والفرحه ثواني ودام ربي حط اجر بـ الابتسامه والله ان ابتسم ولو عيا زمااني
نصيحه
دنياك لو تصفي لغيرك لو شوي
لو شفتها زينه ترا ماصفت لك
دنيا الدنا ياخوك لاتحسبه فٓيّ
اليا نويت الزين قل وش عطت لك
دار الفنا واليا اعطتك صافي المي
لو تبتغي من خيرها مارتكت لك
اغنم صلاتك دام عمرك ماهو شي
خمس الفروض ان زدتها سجّلت لك
يومك ترا محدد من الواحد الحي
ورزقك على ربك اليا قال جت لك
والخوه اللي حدها فارق السي
حاسب وزدها دامها ترّخت لك
والطيبه اللي يسقيه طارف الري
ابرك ، من فعولٍ كبيره جرت لك
وسو القياس لـ لقمتك يابعد حي
بعض البشر ان مالقت زاد جت لك
ورفقة الطيب : تراها كما - الضي
والا الردي بع خوته يا سعت لك
وابوك برّه / دام هو باقين حي
وامك بعد ياصاحبي وجِهت لك
امك : وامك : ثم امك ترا هي
من تحت رجلينه جنانٍ نمت لك
وعامل بلطف وزين تبعد عن السي
وخل البشر من طيبتك تلتفت لك
خذ النصايح وانقها : يابعد حي
قطره بـ بحر النصح يوم انتمت لك
خذها قبل ماتصير ضاحك ومبلي
و مشّ الامور ان كانها مامشت لك
وختامها : ياربعنا مثل :- ما هي
صلو عليه اعداد : ماخيّلت لك
#نهار_بن_طواله