ياونتي ونة كسير ن مع القوم !!

ياونتي ونة كسير ن مع القوم

          قام ويطيح وقومته مستحيله

أشغل بني عمه عن الزاد والنوم

          وآمسو بعاد ن عن حدود القبيله

زادت بهم حر ولواهيب وسموم

           وتدرقو في ظل ذيك الطويله

والزاد باح ولابقئ منه ميدوم

          حتئ المياه إلي معاهم قليله

وكلن فزع خايف يروح ومصدوم

          خلفه كسير ن والمصايب عضيله

راحو عساء أحد ن يعود بمقسوم

          ويعطي خويه قبل موته يجيله

وحطوه في رجم طويل ن ومبروم

          يبون من شافه يجيه ويعيله

مامره إلا سود غربان وتحوم

          قامت تونس للكسير وحصيله

وجات الذيابه والحياياء مع البوم

          جاته تحوفه كنها تنتخيله

وأبطئ وهو في مسدحه لأزم الصوم

          يشوف ربعه في سراب المقيله

وأتلئ العهد في حالته يوم عن يوم

          يومه يشوف الموت خيل مخيله

وصارت مواري جثته كلها هدوم

          وباقي عظامه في بياض الفنيله

عليك يا إلي في حياتي لك سلوم

          سلم الخليل إلي يدور خليله

كن الفرح في حالتي منك مهموم

          حتئ الأماني كلبوها عليله

المها الحارثيه