البارحه ؟؟

البارحه يوم أقبل الناس يمسون

وكلن توسد سآعده في منامه

حسيت في جوفي لوآهيب وطعون

وكن الجسد عيت تشيله عضامه

ترجد بي الحما وأنا دون في دون

وقمت أنتفض كني جناح الحمامه

كن ب وريد الدم داب ن ومسنون

وقف وريد الدم عن ضخ دآامه

قام وتلوئ مقدم الورك ياعون

وحول علئ ساقي وقيد مقامه

زاد الوجع قلت المسكن يكفون

وأزرق حمار العرق من شي ضآمه

ورحت الطواري والطواري يقولون

الوضع مزري باين ن بإنعدامه

دم وتخثر داخل العرق ب يكون

جلطه خطيره ونرجي الله السلامه

وحطو المغذي والعلاجات يشرون

ولا فاد بي وصف الطبيب وكلامه

ويوم العرب ملؤ وعني بيسرون

ترآكت همومي سوآت الغمامه

هم ن يسليني وهم ن له شجون

وهم ن عصب رآسي بدال اللثامه

وذكرت في بيتي صغيرين يبكون

فيهم صغير منجرح في فطامه

قفيت عنهم والبلا خوف يدرون

كافي في جوف القلب جرح وعلامه

العافيه لو تنشراء جبت مليون

ولا ظننتي فيها تكون الملامه

يالله ياعالم خفاء كل مكنون

يامبديء ن درب الحلال وحرامه

عطفك ولطفك في ضعاف ن يونون

علئ فراش من المرض والهشامه

بقًلُمُ المهاء الحارثيه