ملمس حرير

جيت لك و الوضع  متأزم  خطير
                               ترعد و تبرق و ضلمى تذعرك
جيت لك و ادري بان حظّي كسير
                               و قلت يا حظّي بهالحب باجبرك

كنت لي اول و انا كنت الاخير
                                كنت عمري وانا طير بدفترك
يعني حبي كان احلام و مصير
                              و انت حبك كان غيمه تمطرك

ايه احبك و ادري انه ما يصير
                   و  ان يصير اربحك والله ما اخسرك
 يا صغر هالكون دام الحب كبير
                       و يا ما اقل همّي معاك و ما اكثرك

اتغزّل في حسن غيرك ب اثير ...
                             غيرتك علّي حبيبي باقهرك ..
نفسي اشعر في غرامك يا مثير
                     يفضحك شوقك و اجيك و استرك

و نفسي ابحر لين اغرق بالنظير
                    واجمعك فرحه و فيّه بانـــــثرك
كيف اوصفك وانت يا ملمس حرير
                    جل من باحسن صفات ٍ صوّرك
مملكة احساس مع هيبة امير
                     مع بساطة ابن فقر ٍ ما اندرك !!
مسأله بجوابها العالم يحير
                     و كان تغتر يا حبيبي باعذرك
فاحت ازهارك بقلبي بالعبير ....
                 و باجحد ايامي حبيبي و اشكرك
انزف و مضلم طريقك و خطير
                و نمت في عيني و جيتك اسهرك