(( بلتجيلك ))

بلتجيلك من عنا وقتي شقيت  

  باتذرّا فيك من جور السنين

 ضمني راجيك لامني بكيت   

 
واكسب المعروف شف جوي حزين

 
 ولاتقول اني عن الذكرى سليت

  
لا ورب البيت ياتاج الجبين         

 آه لو تدري انا لك كم عنيت 

آه لو همي وضح واصبح يبين

كل ما شفت الظلام اقبل سريت  

تايه الخطوات مدري صرت وين

مظلم الدرب وتعبت ولا لقيت  

غير صوتك اسمعه زاد الحنين         

ليه ياغالي على قلبي قسيت  

 
مارخصتك كنت لك وافي معين         

 ناسي العشره وانا اللي مانسيت  

   
كم تمنيتك بعد عمري تلين         

حبي ومذكر ابد فيك اهتنيت 

من عرفتك ياهوى بالي سجين         

بين حزْن وبين وهمي اللي بنيت  

عشت لجله وانتظرته لي يزين         

مثْل حلم ٍ وردي ومنه صحيت

 
ماخذ الحسره واصفّق باليدين