إلى أينع الشوق  في  قلبك و حلّ القطاف

‏             هـزّ  أقرب جذوع  قلبي و يتساقط  ثمر

عـجـّل قبل لا يهجد القلب مـوسم جفاف

‏             العمر  واحـد  و  هـذي فـرصةٍ  فـالعمر

لـعجاف  الأيـام حسّب  دامـنـا  بـالخفاف

‏             ماضْي     الرماده  ترى  لهبه و كومة جمر

و اللي مضى بإخـتـلافـي ما يسمّى خلاف

‏             لي رأي و الـرآي  عندي ما يصاغ بـ أمـر

‏و دام المشاعر حضور  و للشعور  إنصراف

‏             لا تهمل الوقت و إعمر ما مضى و إندمر

خايف تموت المشاعر  و  النوايا  نــظـاف

‏             لا تمهل الـشـكّ و  إغنم كل لحظة  تمر 

إن كانك  النيل خذني طول عمرك ضفاف

‏             و إن كانك الليل خذني في وجودك سمر

و إن كان عندك على بـرد المفارق  لحاف

‏             شفني على العهد الأول و  الغلا  مستمر

إن جيت  يا مرحبا  و القلب دار و مضاف

‏             يبقى  القمر لو  يطوّل في خسوفه  قمر 

خايف تكون الحصيلة في  ختام  المطاف

‏             غيمة  جـروحٍ  بـ صـدري  نـاويه  تنهمر 

أخـاف تـكـرار  جـرحي إيـه  و الله  أخـاف

‏             من كثر  ما شفت بالأفعال بيض و سمر

لكن ترى الخوف لو يـشهر  سيوفٍ رهـاف

‏             بشهر رمـاح  المحبه  و الوفاء لك  ممر 

ولو كنت سمّي شربتك و أنت سـمٍ زعاف

‏             و آخذ مع الصبح فكّ الريق سبع التمر