اقفى بك الوقت

مجاراتي لقصيدة الشاعر الاماراتي الكبير سيف السعدي اقفى بك الوقت 

(ودعتك الله)

ودعتك الله معَ توديعي سنيني
قد راح ماراح منها مابقى باقي

ماباقي الا قليلٍ منك يحييني
طيف ٍتخبى لوجهك داخل احداقي

ومشاعرٍ ِقِسّمت مابينك وبيني
دفنتها ياعديل الروح باعماقي

طويت قيد الوصال براحة ايديني
وسلكت درب الرحيل وضاقت اخلاقي

ذبلت ورودي ولا عاده بيمديني
أرجّع اللي مضى وآرتب أوراقي

من عقب ماكنت تسري في شراييني
اصبحت جمرٍ توهج ينوي إحراقي

سقيتك بطهر نوي كيف تسقيني!!
من جذوة الهجر كاس المر دهاقي

ونظمتك اجمل جزيلٍ في دواويني
واليوم بادفن غلاك (وحلل وثاقي)

يكفي دخيلك عذابي منك يكويني
ياسبة جروح قلبي،، لا ..ياترياقي

وإن زرت قبر الغلا فاحذر تعزيني
مراسم الحزن غيمٍ ضيّق آفاقي

غسلت جثمانه بدمعي ويكفني
وصلت عليه المشاعر وانكسر ساقي

#شواهق_نجد