مرحوم يا صقر العروبه

مرحوم يا صقر العرب والعروبه 
رحلت وقلوب العرب عقبك حطام

مرحوم يانجمٍ فجعنا غروبه
يالركن الأعظم للعروبه والاسلام

يارب تغفر له وطهّر ذنوبه
ويجبرك ياقلبٍ من الفقد منظام

الشعب عقبك زايدات كروبه
ومن الفجيعة كلنا جروح و الآم

يبكيك شرق المملكه مع جنوبه
وتبكيك مكه  وانتحبْ عقبك الشام

جو الرياض اليوم ماكثر شحوبه
وقلوبنا من حزنها صارت أقسام

حبك يعيش بنبضنا ما نتوبه
مهما تقادم موتك آعوام وآعوام

جزاك رب الكون عفو ومثوبه
والله يجبر كسرنا فيك مادام

سلمان خلفك سمّح الله دروبه
سيف نسله صارم الحد ضرغام

وحنا نبايع والولا مايشوبه
تضليل حاقد ..لا .. ولا لوثة إعلام

وقفاتنا عبرَ الزمان مْحَسُوبة
والكل منا في رحى الحرب لطّام

اللّٰه خلقنا للمعادي عقوبه
وصغيرنا في ساعة العسر مقدام

ودون الوطن بارواحنا في خطوبه
ما ترجف بْنا ساعة الضيق الأقَدَام

#شواهق_نجد