حلم!

    أقبلت تقصر اخطاها كنّـها مشيت عروس

                                             مــن حلاهــا تزهــر الارض يـوم تدوســها

    الرخــام ان لامــس اقدامــها كنــه يبــوس

                                         راس قـــومٍ كل ربعـــه عــزيــــزه روســـها

     تمتلك هيبــة مــلك وبـ غنجــها عيطمـــوس

                                         كــن تاريـــــخ الادب فلســــفه لدروســها

      لولبيه لا اقبلت .. ومـن ورى تحمل طعوس

                                        لا تمايــل خصــرها يشتكـــي ملبوســها

      والصدر حاجه عجيبه لا نحيف ولا ديوس!

                                       ممتلـي مزمــوم واقــف ســواة طعوســها

      عينها تضرب سلام ورمشها يعطي دروس

                                      فالكســل لامــن رقـا ما يوصـــل قوســها

      وجهــها سلــة فـواكه ما تعـرض للشمــوس

                                      خـوخ مع تفـاح شامي سجّـل بقاموسـها

      صـورةٍ ربــي خلقــها مرضِيَه كـل النفـــوس

                                     طولـها مع جسمـها مع لونـها وملموسـها

      مـــن يقابلــــها اذا جـاتـــه بوجـــهٍ عــــبوس

                                     جعـــل عينـه بعدهــا ينطفــي فانوســها

      يــوم وصلتنـــي وقــالتلــي بصــوتٍ يهـــوس

                                    انت شاعــر صــرت الملم جُمـل وحوسها

      قلــت :شاعــر ان حبــك لجابــي ومغـــروس

                                    وسـط قلبـي يا خلفـهم وأثَـرت هجوسـها

       اضحكت وارخــت عليه ليل بالعطر مغموس

                                    ضـاع كل الهــرج منـي وجيت ابوســها

        كنـت ناوي انــي ادخـل معاها فـي طقوس

                                    ميـر حال الصبـح بينـي وبين طقوســها