تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
سراب الهم
سراب الهم
تعبت من الفراق وطول البعد والترحال
تعبت من الزمان اللي سقاني الهم في كوبه
حبيبي مبعدن عني وتركني كل لحظة بحال
تتوهني دروب الشوق اعاني قسوة ادروبه
أبي اضحك ولكن الدمع عالوجن همال
بسبب خلن غيابه طال وتركني بروح متعوبه
رحل عني ولا خلا حبيبي للوصال حبال
ولا كني قبل ياناس كنت بيوم محبوبه
انا ادري غصب عنه هذا البعد والترحال
ولكن الفراق المر سحبني بلا وعي صوبه
جبر روحي تصيح الآه تجر بليلها الموال
وجبر عيني على باب السهر اتبات مغصوبه
انا ذاك الطعين اللي صوابه بالحشى مازال
جرح ينزف مرار وويل ومعه ونات مصحوبه
وانا ذيك الدموع اللي طاحت من هدب رجال
همومه زايدة بقلبه ودموع مغرقة ثوبه
وانا ذاك الغريب اللي غيابه لو مهما طال
يبقى صابر وينطر رجوع الفرح لدروبه
وانا ذاك الوحيد اللي حياته عاشها بهمال
تعب يطرد سراب الهم لكن ماصرخ توبه
صح بدنك
تسلم ماعليك زود
صح لسانك بذمتي مبدع يابن مطلق
تسلمين ع المرور
وكل انسان له قصة بحياته
ممكن تكون سبب حزنه
شاعر وحساس
بس ليش حزين