تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
شرّابت الهوى
يقول الي تغنى في كلامه
عرفت ان الليالي شبه خامه
تروح وتنطوي والعلم يبقى
اذا كان الردى والا الشهامه
ابقصد واعسف القاف وبغني
ولا مريت من جرف لعدامه
انا اصعد من طويله لي طويله
وعلى شعري مواثيق وعلامه
ولا طقيتها في كل حاكم
ادور حاجة البطن وطعامه
انا غنيت للطيب وطيبه
واكرم من تحق اله الكرامه
على الجبلان وجهت القوافي
لعنه الله من زت الملامه
هذولي لابة الجبلان والله
لهم قدر الجباري واحترامه
هل الردات مرويت الهنادي
عوايدهم يفكون الجهامه
يسفون الهوى زود الطناخه
يبون التاج هاوين الزعامه
الا منه نخاهم من نخاهم
يذبون الطواقي والعمامه
والا من قال ابن لامي مشينا
تحزم كل رجلن في حزامه
يجون الموت مايدرون وشو
يبون امن الجمل عالي سنامه
نعرف فعولهم والناس تدري
واظن النور جلاين ظلامه
وعليك بديرة الصمان تشهد
وتشهد نجد مع وادي تهامه
وتشهد ديرة العارض كلامي
عن الي مر في قاع الثمامه
ويشهدلي نهر دجله والاردن
من بلاد الشريف لحد شامه
واذا جت للكرم ادخل على الله
تسر الظيف في سفحت يدامه
ترحب من قبل عرف الطراقي
مع حلو النبا زود ابتسامه
انا خاويت منهم كم واحد
وهاض القلب ثم وثق كلامه
عرفت عيال بتال العناني
ياجعل النار ماتلمس عظامه
وشفت المرجله ربي يقاهم
من عيون الحسود ومن سهامه
يعل الي حمل فيهم يخلد
على الفردوس في يوم القيامه
يقوله شمري جاب الحقايق
على الجبلان قد وجه سلامه
أنعم وأكرم بك وبهم وبيض الله وجهك وصح لسانك