ياوقت

ياوقت فيني جروح والم وطعون

ونفس ياهل الخير زايد عناها

الوقت خاين والبشر هم يخونون

والنفس ما خانت عزيزن حشاها

بقلوبهم موتك تراه يتمنون

بعض البشر والطيب ضايع معاها

هذا كلام واقعي صدق موزون

النخوه قلت هابطن مستواها

بعض البشر بالقطرسه حاقر الكون

وبعض العيون الله عطاها عماها

وبعض البشر ماغير قال ويقولون

السالفه لمن خذاها عطاها

الادمي لو طال عمره وتدرون

انه يفارق هالحياه واذاها

بعد الترف لابد في يوم مدفون

في تربتن قد زاد فيها حصاها

ان كنت مخطي في كلامي تردون

وسمعلكم ياهل الوفا والوجاها

يارب ماغيرك لنا ملجا وعون

ياعلمن في روحي ومنتهاها

ياقابلن توبة عبيدن يتوبون

تغفر لنفسن قد تزايد خطاها

والخاتمه بعداد ماتثمر غصون

صلو على اللي للخلايق هداها

عيد طراد الكبيح