ادري خطيت

اخطيت وعذري قايده بالخطاما

.....................  نوخ على اعتاب الشره دون حسبان

ايه اعترف اني خطيت ولزاما

.....................  اني اجي واقدم اعذار شفقان

ودي تعذريني على هالخصاما

.....................  وودي يعود حبنا مثل ما كان

ادري خطيت بحقكم يا نداما

.....................  وادري بعد قصرت معكم من ازمان

ما كان ودي اجرحك بالكلاما

.....................  ولا كان ودي تبتعد وانت زعلان

غيري خذا كل الهوى والغراما

.....................  يعيش في قلبك وهو دوم نشوان

دايم تحاسبني بصمت وملاما

.....................  وتجي تعاتبني بنظرات عطشان

ما تدري ان الجوف منكم هداما

.....................  وما تدري اني لنبعكم دوم ضميان

مطلوب احبك واعشقك للعظاما

.....................  واعيش في قلبك مثل أي انسان

اطيع ،، البي طلبتك بالتماما

.....................  وانته تجازيني برفض (ن) وعصيان

سمعت باللي قال حكمة وعلاما

.....................  واصبح كلامه في الصدر مثل نيشان

لجلك تطاع امر بشيء (ن) نظاما

.....................  وكما تدين ادان لوكنت سلطان

فيني شره مثل العذر منذ عاما

.....................  ولأني احبك بعذرك ملء الأجفان

حبك علا فوق الشعور وتساما

.....................  لجل المحبه طالبك بس غفران

هم الفراق اللي جعلني حطاما

.....................  هم (ن) ثقيل (ن) شايله فوق الامتان

ليت الجروح اللي بصدري تناما

.....................  وانسى الزمان اللي جزاني بحرمان

وأقول يا وقتي عليك السلاما

.....................  من خاطر (ن) مل وكره كل الأوطان