أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
محتاج اغيب و اترك الناس للناس
محتاج اغيب و اترك الناس للناس
كلٍ على كيفه ، و فكره ، و جوّه
الوقت هذا وقت خاين و بلّاس
الناس ما عادت تحب المروّه !
دناءة اخلاق .. و تعرّيهم لباس
كلٍ يفاخر بإنحطاط و دنوّه !
ترباية مغازل و حفله و كم كاس
و اسواق فيها الدين ماشب ضوّه
وحقوق مرأه و ابتدايات الإنكاس
في جيل بان من الشريعه خلوّه !
تتهتك الاعراض في صورة احساس
تحت شعار الحب واسم الاخوّه
الجيل هذا جيل ضايع ومحتاس
والخبل تعرف طينته لا تفوّه !!
رجالهم له عند صدقانه قياس
كم بنت ضبطها و كم بنت شوّه !
اكبر همومه كان كشخه و لبّاس
من عند رجلينه لـ حتى علوّه ،،
خالي من الاخلاق وضعيّف الباس
اللبس اغلا من تواجد سموّه !
مافيه احد يخلو من ذنوب وادناس
لكن مباديهم بليّا … مروّه
يا وقت كافي لا تورّيني انجاس
ماعاد فيني للرذيلات قوّه !!
في داخلي شايب له العز نوماس
ماهو بيرضى هالزمان و نزوّه
ذنبه شريف وعانده كل خنّاس
ديّن و دينه ذابحٍ له .. عدوّه ،،
ما يتبع الحاجه ولا يحني الراس
عزيز نفس و مستغلٍ هدوّه ،،
لكن تعب يطرد ورا كل هوجاس
الوقت مو وقته و لا فيه خوّه !
محتاج اغيب و اترك الناس للناس
كلٍ على كيفه ، و فكره ، و جوّه