أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
خيانه حطمت رجال
تعايشت بـ وهم حبه
بنيت ب داخله منزال
تغانمت الخيال اللي
وصلني للقمر دونه !
بنيت اكبر طموحآتي
على حب'ن يهد الحال
وبادلني شعور الحب
إلين أصبحت مجنونه
سنيني عدّت بسرعه
ويجمعني معه لوصآل
علاقه عشتها فرحه
بشوفة بسمة سنونه
صحيت من الوهم بفهم
كلام العاشق المحتال !
يقول انه يحب ثاني
ثمان شهور مكنونه !!
وش اللي تقول علمني؟
ترا تمزح معي بخبال !
ترا هالغشمره بالذات
( تجيب الهم ب مزونه )
وقال الصدق يا محمد
انا قلته … و ما ينقآل
دخل قلبي ! مشآعر
قلبي لا نادا " يلبّونه "
صدمني موقفه والله
وكآن ب موقفه قتّآل
مشاعر تحتضر فيني
وقلبي خابت اظنونه
اخنقتني عبرتي حتى
نزل دمع القهر شلال
إلين الموت عزّاني …
بتموت النفس مغبونه
مشيت اجاهد انفاسي
واشاهق والحمول اثقال
وهدّم كل طموحاتي
عشان الغير يحاكونه
حرمني فرحتي قربه
( خيانه حطّمت رجّآل )
مشى دربه يطق الباب
و يشكي كثرة ديونه ،،
غدا حبه مثل طفل'ن
مريض وقلّت الاموال
ينآظر دمعة الوالد
و حر القلب بعيونه
تشهّد بيني أيديّ آبوه
انا اشهد لحظته زلزال
أبوه يصيح يا عاااآلم
و طفله ميّت'ن دونه
دموعه غسّلت ميّت
وصآر لجثته حمّال
قهر لما يشوف الطفل
قدآمه .. " يكفنونه "
كذا مات الطفل بظروف
يا ويليّ تهد الحال ..!
كذا آبوه مغصوبن ..
يخليهم [ يدفْنونه ] !!
ووقّف ناظر الجثّه ..
وهو ترمى عليه ارمال
كذا هي موتته حبه
بعيني ويش ترجونه؟
تعب قلبي معه والله
تعب من باقي الموّال
عسى الله يلهمه نسيان
ب موتة من يعزّونه ..
ترا ماهي غريبه لا انطعن
قلبي ف بعض احوال
كذا دايم مع الوافي
" يجيه اللي يخونونه "
حلَمت انه معي يبقى
يصير العم وليّ الخال
يصير الدنيا بعيوني
ويعزف باقي لحونه ،،
صحيت الا وانا راحل
ابوصل لـ القمر رحّآل
وتركت الارض لأحبابه
عسـى دونـي يسلّونه