تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
فيصل بن عويد بن طواله 
ابوي ورّث لي مع العز شيّين ... عرف الرجال وفزعةٍ للنشاما ..
ضامي ..
جيتك على الميعاد ضامي وعطشان
جيتك وكلي شوق ياكثرني شوق
ادمنت حبك وش دوا راع الادمان
اودعت قلبي من حناياه مسروق
ماكنك الا غايتي واغلا الاثمان
ودي عن العالم احطك بصندوق
كنك ذهب في ناظري صاير انسان
عجيب ياللي من ذهب صرت مخلوق
لوصرت في ميزان والناس ميزان
انشهد انك بالغلا دايم تفوق
ورد الغلا في داخلي صار بستان
عليه من زخ المطر رعد وبروق
ليت البشر من بيننا مالهم شان
عن جمعنا بعض البشر وده تعوق
متى حبيبي للوصل تسمح احيان
ونعيش وقتٍ للمحبين مرموق
ارحم خفوق اللي من الشوق مليان
يكتب من ابيات الشعر كل طاروق
وشهو جزا الاحسان ياغير الاحسان
برفوق ياخلي على القلب برفوق
فيصل بن عويد بن طواله ..
شكراً لك
صح لسانك
كنت هنا لاسجل اعجاب هنى