أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
بندر المطيري 
هـم علموني كيـف طعنات الأحباب !! وعلمتهم فـ الطيـب .. معنـى الرجوله !!
(( الـرزيـنـه ))
ياعيون الصبح والا ،، ياسماه وياأنفراجه
من صحيتي كن ليل البارحه تو غط عينه
ومن صباح الخير قلتي ، بان بالصبح أبتهاجه
وش تركتي للبنفسج ولـ عصافير المدينه
حالة العشاق تفرق ،، كل واحد وأحتياجه
فيه من يسترهّ ليله ،،، وفيه ومن ليله يبينه
كلنا ننطر صباح النور ،،، ونعدد نتاجه
وأنتي كن الصبح دايم ينتّظركّ أتصبحينه
جا يعاندك الهبوب وطاح من عينه عجاجه
هد من شانك رياح ،، وبدّل القسوه بلينه
وماألوم الغيم يوم أنه ،،، يناطحك بمزاجه
يحرج بشوفتك برقه ،، ويلزم الرعد السكينه
وماألوم الورد ، يوم انه تزايد بـنعواجه
منبهّر في زينك اللي ماهقا أنه فوق زينه
أنتي ياللي ضاع دونك كل وصف وكل حاجه
ياأخر أحساس الطفوله وأخر أطباع الرزينه
أنتي يالحصن الحصين ومنغلق دونك سياجه
عين من يغليك بابه ،،،،، وقوّ من يرعاك دينه
لا أعتمد جيّتك ليلك ،، ماهو محتاج لـ سراجه
يقبّع الظلمه نهارك ،،،،، من قبل لاأنتي تجينه