أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
محمد بن زايد
السلام ورحمة الله وبركاته
اطلب الله بالسلامه والثبات
باديً باللي طلبناه برضاته
من وعد بالنازعه والنازعات
ناصرن موسى وبيدينه عصاته
وألهمت كل الأفاعي الهايجات
وأرعبت فرعون والي في حذاته
وآمنوا بالله من قبل الفوات
بالمسا والكل طابت امسياته
يالله الإحسان دون السيئات
وكل طيب طيب المولا صفاته
والوفي كفو العلوم الوافيات
كل واحد بينً لك من سماته
وبارك الله فيك ياقبل السمات
انت شيخ" ماتعدد معطياته
وانت بدر" بالليال المظلمات
ولد شيخ" مرضي الله في سواته
ذاك حلال الأمور المعظلات
عجزالتاريخ في سيرة حياته
طايل بيمناه كل الطايلات
وانت يامحمد كفيته في مماته
وأنت تكمل سيرته بالمقبلات
قايد" كن السحايب طايعاته
يوم هلت وبلها من المرزمات
في سواته في صفاته في كفاته
باقي" زايد على قيد الحيات
ماحدن بالشعب متناسي وصاته
ووحد الي من قبل متفرقات
مرضي"كل البلد من طيب ذاته
حاكم" لولاه يمدينا شتات
وانت يامحمد خطاويك خطواته
والامير بها شدي الراسيات
البلد يظفي عليها في عباته
عن الرياح العاتيه والزاجرات
وانت باليمنى عيونك شايفاته
ذو عقول لكل شي" مدركات
لك سمو وله سمو" بسمواته
دامكم بالأرض خلاق النبات
علومكم كل الدول متعدياته
وروسكم بأول وتالي شامخات
وانت يامحمد جدير بمجرياته
والقصايد فيك ماهن كافيات
لوتجي الشعار بأحلى مفرداته
عن سموك كل أبوهن قاصرات
ياأمير" كل شعبه في حماته
والنفوس بحنكته متطمنات
كل اماره وماعليها تابعاته
بالمدينه والقرايا والحفات
والسلام ورحمة الله وبركاته
في بيات" قلتهالك صادقات
زعال عياده القزاع الشمري