تسجيل الدخول

الاكثر أعجابا

عبدالكريم الجباري المعجبين:129
عفاف الشمري المعجبين:95
نافع بن طواله المعجبين:94
بركات الشمري المعجبين:89
علي الضوي المعجبين:82
بندر المطيري المعجبين:82
فرج صباح المعجبين:79
ديم الفيصل المعجبين:77
لافي ذباح المعجبين:76
سعد الخلاوي المعجبين:74
عواد بن طواله المعجبين:73
شواهق نجد المعجبين:71
بدر الحمد المعجبين:68
نبض الحيارى المعجبين:65

الاستفتاء

ماهو تقييمك للموقع
  •  

القائمة البريدية

>> حمـود العجمي >>

تواصل اجتماعي .. ولّا تفكّك اجتماعي ؟!

حمـود العجمي  الكويت

H_ALJ@ أكتب لـ مجرد الكتابه .. بس أنا اوعدك راح تلقى من كتاباتي ما يجوز لك .

2016/05/2204:24 am
عدد المشاهدات : 976

تواصل اجتماعي .. ولّا تفكّك اجتماعي ؟!

 
 
 
السلام عليكم ورحمه الله وبركاته .. 
 
مع تقدم التكنلوجيا بـ هذا الزمن لحد خيالي ومجنون واللي خلّا حياتنا وتواصلنا مع الناس والمجتمع اللي حولنا أسهل ؛ الا اننا نلاحظ انه مع هذا التطور الهايل قاعدين نشوف مستوى الغباء العقلي يزيد ؛ ممكن الغباء مو من اللي بـ أعمارنا لكن من الجيل الجاي واللي حسب معطياته اللي نشوفها .. أتوقع انه بيكون للأسوء ،، موضوعي اليوم عام بعد لكنه شامل لدرجه انه مسّ كل بيت وكل غرفه وكل شي بحياتنا . عندي له بعض الحلول علّ وعسى تفيد .. راح أكتبها بنهاية المقاله . 
 
** تواصل اجتماعي ولّا تفكك اجتماعي ؟! 
 
 
- مفارقه ان كثرة برامج التواصل الاجتماعي قاعده تسبب لنا نوعاً ما تفكك او انفصال اجتماعي ؛ كم مره بيّنت انك نايم وانت قاعد ؟ كم مره بيّنت انك مشغول وانت فاضي ؟ وكم مره بـ مرّه تجاهلت شخص - أيّاً كان - بـ هذه البرامج ؟
- طبعاً لك حريّه الرد او التجاهل معاه لكن المقصد هنا .. إن برامج التواصل الاجتماعي صارت برامج تجاهل اجتماعي . 
** تويتر .. بعده انستقرام .. بعده سناب ،، هذه البرامج اللي فعلياً أشوفها تمكنت او تغلغلت داخل كل المجتمع تقريباً ،، 
هذه البرامج صنعت لـ قضاء اوقات الفراغ مو لـ عشان تفرّغ نفسك لها ! 
** نقطه بسيطه ممكن توضح اللي احاول اوصله لك ، تذكرون حياتنا قبل تويتر وانستقرام وسناب ؟ كانت حيييل اجمل صح ؟ برأيي لـ عدّة اسباب : كنا ننشغل بحياتنا عادي وما نفكر بـ ايّ برنامج .. الحين ننشغل بالبرامج عن حياتنا ! كانت اجمل لاننا كنا لو حبيت تواصل احد سواء قريب او صديق تتصل فيه او تقوم له وتروح تسلم عليه .. اما الحين واتس اب او فويس نوت او حتى سناب كافي ! كانت اجمل بعد لاننا ما كنا نجامل بـ هالكمّ : ) كانت الصراحه فعلاً راحه اما الحين الصراحه وقاحه في عين البعض . 
والاسباب كثيره اترك لك باقي الاسباب انت عارفها . 
- مهما كثرت البرامج يا أخي يظل اسمه عالم وهمي .. او إلكتروني سمّه مثل ما تبي لكن الاكيد الناس اللي فيه ماهم جنبك على ارض الواقع !!
- بعطيكم مثال واقعي في هذا الموضوع من ناحية الشباب ،، قبل كنا لا قعدنا بـ الدوانيه او بالمقهى او اي تجمع لنا وين ما كان ؛ نسولف وناخذ اخبار بعض بالساعات وآخر شي او آخر همنا كان التلفون .. اما الحين ؟ اتحداك تدخل دوانيه او مكان مجتمعين فيه شباب وما تلقى احد ماسك تلفونه ! لا وأحياناً تلقى سكوت لان الكل ماسك تلفونه . 
- مثل ما قلت واكرر : البرامج هذه لـ وقت الفراغ مو تفرّغ نفسك لها ! 
* الحل ؟!
* بعطيكم بعض الحلول اللي نفعتني انا ، ويمكنّها تنفع معاكم : 
* شيل اشعارات كل البرامج ! وهذا الشي راح يساوي راحة البال .
* لا تفكر متى تدش تويتر او الواتس او السناب .. لين تشوف نفسك فضيت ولك مزاج ؛ لان كلنا عارفين فيه فئه تغثك بعلقياتها وافكارها السخيفه وموجودين بكل مكان .
* تحدّى نفسك انك تقعد ساعات بدون تلفونك ،، جرّب حتى تطلع من غيره لـ يوم او نصّ يوم . 
* فّكر انك ما تسمح لـ تلفونك يتحكم بوقتك او يومك ؛ تخيل انك كنت يوماً من الايام ممكن تقعد فترات او ايام من غير تلفونك والحين ما تقدر تستغني عمه دقايق ! 
* جرب الحلول مهما بيّن انها صعبه بالبدايه .. منت خسران شيّ .
 -- بـ النهايه مهما كانت الأجهزه حلوه وذكيه ومتطوره ، لا تكون متمكنه منك - رجعها لحجمها الطبيعي وانا اوعدك براحة البال . دايم وبـ كل الأمور ايّ شي يرجع لحجمه الطبيعي ترتاح نفسيتك ،، فما بالك بـ شيّ طول يومك بـ ايدك ؟! 
( تويتر هو ثاني أسوء مكان بعد الواقع ) 
صحفي ايطالي **
 
*** هذه كانت فكره اولى المقالات الخمس الى الآن .. لكنها صارت الخامسه ،، لأنك اذا بـ تكتب بورقه وقلم وتبعد التلفون عنك وقت الكتابه او الدراسه او الشغل ممكن يطلع معاك شي ما كنت متوقعه وممكن بعد يعجبك .
- هذه خامس مقاله وكلهم كتبتهم بـ خط اليد بعدين انقلهم للتلفون .. الكتابه شي جميل وشاكر لك وقتك البسيط عشان تقرا لي </p>
                    </div>
                	<div class=
التعليق على المقال
ارسال الى صديق
أبلاغ عن خطأ