انا من ضيعه انسان بشكل غير انساني

**

انا من هو انا تسأل وانـا المسـؤول مـا ادري

انـا مثـلـك مظيعـنـي ولا ادري ويــن بلقـانـي

نثرت ايام عمـري للضيـاع وضيعـت عمـري

وما زلت انتظر يـوم ٍ مـن الايـام مـا جانـي

اذا تبغى تعرف اسرارهـا دور علـى شعـري

وحــاول لاقريـتـه كــود تـقـدر فـيـه تقـرانـي

وعلمنـي انـا مثلـك تـرى محتـار فـي امــري

وعطنـي للحقيقـة وش لقـيـت بـخـط فنجـانـي

تأكـد كيـف مـا جـات النتيجـه يتسـع صـدري

انا مـا ابحـث عـن الترتيـب لا اول ولا ثانـي

انـا همـي فـقـط ان القصـيـدة لالـفـت بــدري

تـوقـف تنتظـرنـي او بـالاحـرى مـا تعـدانـي

اسلمهـا شغـاف الـروح حتـى بالـغـلا تــدري

ترتـب لـي حروفـي بعـد مـا تعبـث باشجانـي

ابي لامن ضـوى ليـل الشعـر ناديتهـا نسـري

ونسري سرية كلمـا رجعـت اقـول ماامدانـي

ابيهـا تستثيـر الليـل ويطـري فيـه مـا يـطـري

ابـي ليـل ٍ ايـلا همتـه الــى لـيـلاي ودانــي

ابيها تاخذ اشواق ٍ خذت للصبر من صبري

توصلهـا الـى مــن سـكّـن الغـربـه باوطـانـي

الا يابسمـة الدنيـا وزهـر الـروح يـا عطـري

ما عاد الزهر مـن بعـدك يفـوح الا باحزانـي

الا يا نسمة الفجـر النـدي احتـاج لـك فجـري

مـا عـاد طيـوره تغـرد وكـل ٍ ضيـع الثانـي

صباحي ضاع في ليله ولا عاده على خبـري

تلخبـط كـل شـي فـي غيابـك ضـاع عنـوانـي

من اول حد في قلبي الى آخر حد في فكـري

سكنتي فـي مساحـة اسمهـا بالظبـط وجدانـي

احبـك رغـم كونـك تستلذيـن بصـدى هجـري

عرفتي وش غلاك وقلتي اقـدر كـان تنسانـي

الـى منهـو سألنـي مـن انـا للحيـن مـا تــدري

انا من ضيعـه انسـان بشكـل ٍ غيـر انسانـي

**