في غيبتك

في غيبتك لاغدى شرّي ولا طبت

                          يلّي تحسب انّي بغيبتك ابرتاح

 غلطان يلّي تحسب انّك تطيّبت

                     لا والله الا دبلت الجرح ب اجراح

 شهرين أحاتي غيابك لين شيّبت

                   دايم على البال في ممسا ومصباح

 اطفى شموعي حنين اشواقي وذبت

                    ما عادلي في ظلام الليل مصباح

 فجّيت الاضلاع في صدّك وعذّبت

                واركيت نار الهوى لين الصدر فاح

 لو كان من قبل شد رحالك اسهبت

                  ما كان دمعي ودمعك بالجفا ساح

 اصبتني مير في هالراي ما صبت

                 تكسّرت في حشاي سيوف وارماح

 الله يسامحك لو في جرحي اذنبت

                ذبـحتـنـي يـا غـنـاتي بأخطر سلاح

 مادمت ناوي ببعدك ليه قرّبت

                 لـيـتـك حسبت الخساير قبل الارباح

 شرّقت بحساسي وفكري وغرّبت

                واسـكـنـتني بيت مابه غير الاشباح

 مهما يشح المطر ويصوفر النبت

                الـورد يـبـقـا ولـوهــو مــات فوّاح

 مدام منته بداري ويش سبّبت

                خـل الـتـعـب لـلمحب ونام وارتاح