يامنكرن حق خلانك

يا منكرن حـق خـلانك وش أخـبـارك

                         وشلـون قـلـبـك مع الهـجـران ياقـاسي

وشلون حـظـك عساها زانت أقـدارك

                         عسى الليالي صفت لك وأنـت متنـاسي

من غبت عني وأنا عـايش على نارك

                         شايل همومك مع همـومي على راسي

كل شي فـيـني أحـسـه صـار تـذكـارك

                          أنـساك وأليا ذكرتك هـمـت عن ناسي

القـلـب يا مـنـكـر الأحـبـاب مخـتـارك

                         ملـكـتـني من عناي وصـرت هوجـاسي

لا تعتذر لي بشـوفـك جـتـني أعـذارك

                         والله لا ذبـح لـجـل خـاطـرك وسـواسي

ولاني بناشدك عن غيـبـتـك وأسرارك

                          لا شـك دامك بجـنـبـي قـدر إحـسـاسي

يكفيني الضيـم ذقـتـه وأنـت بأسـفارك

                         في غـيـبـتـك كل ما فـ الـنـاس متواسي

هـــلا بعـطـرك و أنـفـاســك ونـوارك

                         قرب أبـشــم صـدرك ضـاقــت أنـفـاسي

هـــلا بجـرحك و طعنـاتـك ومسـيـارك

                         هـــلا بـلـذة و صـالــك يا سـبـب بـاسي