أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+2
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
يقول: معيض ما لك ؟! ، فقلت: معي ظما لك ! ,, معيض أحمد العمري الزهراني
ثرثرة
شارع وكربون وبْواري وقيظ وزحام
=عند الاشارة ولصوات المواتر صخب
الساعة الثانية والعم داوود قام
=يناقش اشياء تشعل بالضماير لهب ..!
مليت من ثرثرة شعب وبطانة نظام
=ابصم على شحم ياشعري وخل الغضب
اللي معه بير بترول وقصر من رخام
=ماحسّ باللي سكن في صندقة من خشب..!
الفقر عيب ان غدا جمْع الفقارى نعام
=كبريتهم يدفنونه في رماد الحطب
وان قالوا الحال طيّب، قلت: طيّب ، تمام
=صوموا صفر صوموا محرم وصوموا رجب
قال العرب: لايجينا الضرب تحت الحزام
=وقلت : وين الحزام اللي لكم ياعرب
بين الولا والفقَر طارت حمامة سلام
=تموت جوع او تموت من القهر والتعب
ان ماتت بجوعها فالجوع ماهو حرام
=وان ماتت من القهر / ماتجهلون السبب
ضاعت مجاديف مركبنا ف بحر الظلام
=ساد الفساد ، وسفينة نوح فوق اللجب
ان عشت حُرّ وّولي امري سلبني الذِّمام
=السجن واغلالي / اغلى لي وعز الطلب