نسوق الخطاوي

         نسوق الخطاوي  و  النظر  دايـماً قـدّام

                      ولا نـلـتــفــت  لـلـي  ورانــا  ولا  نـرجـع

         نحثّ  الركايب لا  تـواسى  البليد و نـام

                      مساري  ذيابه قبل  طير الفجر  يسجع

         عسى الله  يحقّق  ما رسمنا  من الأحلام

                      و عسانا عقب  جهدٍ  بـذلناه  مـا نفجع

         بـعـادٍ   هـقاويـنـا  ولا  نـنشغل  بـ أقـزام

                      نصون الرفاقه و الـمراجل هي الـمرجع

         و إلى من  فعلنا  ما رجينا  زخم الإعلام

                      رجـانـا من  اللي لا تـغـافـل  ولا يـهـجـع

         و إلى أنكر  فعايلنا الردي  تشهد الأيام

                      تـشجّع بـ نكرانه و بالطيب كنّا أشـجـع

         وما بين  حسد و حقد  غيّب مع الأوهام

                     أثاري العفين إن شاف طيبٍ لك إستوجع

         يحسبونه الجهّال لا أومى الزمان حزام

                      وإلى إصطكت الدنيا ردى جده استرجع

         مثل عابرٍ في وصف  مثله ومسك ختام

                      من  اللاّش لا تـرقب  فعايل و لو جعجع

                           عبدالعزيز الرشيد