قصيده مهداه الى الشيخ / جمل بن ناصر بن شري

بديت باسم الحق وآلي التدابير 

هو مرسل الصادق بصادق كتابه 

ياذا الاله الي عليك المقادير 

يالمبتدا يالمنتهى يالاجابه

انك توفقني بقافً عن الغير 

متميزً في حبكته والخطابه 

وانك توردني على جمة البير 

في لازم اللي للمراجل عصابه

يامرحبا وعداد وبل الشخاتير 

همل المزون الي حدَر من سحابه

مزنٍ من المنشى علينا مزابير

ينبت بها الوادي وتخضر هضابه

ومن الحديده لين ابانات والنير 

ومن الحساء لين الحفر واللهابه

في حفل ابوناصر زبون المخاسير

ياسعد من هو في الوازم لجابه

له مجلسً ماجنبوه المسايير 

امشرع لكل المطاليق بابه 

فيه الدلال الوالمات المباهير 

دمث الجناب الي ينومس جنابه

جمل ليا كبرت يرد المصاغير

يقدم على الموت الحمر مايهابه 

ربعي هل الطالات مافيهم صغير 

وقت الملاقا فعلهم ينحكابه 

مسارده لامن بغت شي بيصير

تارد على عدً قراحً شرابه

الاد مسرد مرهقين الطوابير 

اهل الظفر واهل القنا والحرابه

اهل السيوف المرهفات البواتير 

عدوهم ماينجبر من مصابه

تمت وصلو عد ماغرد الطير 

على النبي المصطفى والصحابه  

#عقاب_المسردي