أهل الغرام

أهل الغـرام اللـي تغـرد كالطيـور

ترمـي ولكـن الهـدف ماصابتـه

دام المساعي كلهـا لجـل البـذور 

اللـي ثمـاره مـن فعـل جلابتـه 

لابد ما يطغى علـى الجـو الفتـور

وطيـر الهبايـب ينتظـر هبابـتـه 

واقطف من اصناف البساتين الزهـور

ثـم اسـتـرد الـحـق يا طلابـتـه 

الكلمة اللي حركـت كـل الشعـور 

فيني علـى طـول الليالـي ثابتـه 

أثر الغيـاب اللـي نعـده بالشهـور 

بين الحبايـب مااختلـف بـ يجابته 

جتني وقالت يابعد عمـري غيـور؟ 

وانا شعـوري عـن جنابـه كابتـه 

بالصمت أجاوب سيّد الزين الطهـور 

وادعي عسى الله يرحـم امٍ جابتـه 

عزالله ان الصمت يلعـب ألـف دور 

مادام بوحي قافل (ن ) بوابته 

والصاحب اللي بالغياب وبالحضـور 

يزرع ويحصـد فالـزروع النابتـه 

ماقد خذلنـي فالدعـاوي والأمـور 

حتى لو يكـون العـدو مـن لابتـه

وأهل الغرام اللي تحلـق كالطيـور 

صبت الهدف يـوم أنهـا ماصابتـه 

صعب اكتشاف المحتوى عبر السطور

لامن فقـد راس الفهيم اعْصابتـه 

واللي غطس في غبة السبع البحـور 

يفهـم كـلام الشمـري واكتابـته