أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
عبدالعزيز الرشيد 
جرّني جرّ الدلو من وسط جمّه .. إرتوى منّي و ردّ الدلـو فاضي
أكذب على نفسي
مدري أشـاركّ البكاء و إلاّ أواسـيـك
و أنا يبي لي واحـدٍ لي يـواسي
الـوضع مـزري جعل ربـّي يخلّيك
تـهـْنـا ما بيـن الثانوي و الأسـاسي
الـمـزح قضـّبـني دروب الـتـهـالـيـك
و الـجـدّ فصّل ثوب غبنه مقاسي
تـخنقني العبره إلـى حـلّ طـاريـك
و يبـيـن مع طاريك قـوّ إحـتـبـاسي
الذكريات تدفّ دمعي و أنا أخفيك
خوفٍ عليك يزيـد حجم إحتراسي
ياللي الحلا مطغيك و العقل حاليك
أنا أشهد إنك طحت فيني متواسي
بـاديك صدق شعور وشلون بنهيك
قلبي معك أقوى من أحكام راسي
أكذب على نفسي إذا قلت : ناسيك
لو كنت ناسي صدق ما قلت ناسي
أنـا إلى هالحـيـن عاشقك و أبغيك
و أدري تبيني لكن الوقت قاسي
أعـرف مثل عرفي لظاهرك خافيك
و أنت تعذر ياسي عقب قـوّ باسي
عنّك نهاني نفس من كان ناهيك
و الجهل بحرٍ و الوجع له مراسي
ماهوب بإيديني و لاهوب بإيديك
حـنـّا رواسي و الـبلاء بـالـرواسي
عبدالعزيز الرشيد