أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
الأمل
لا تسألوني في حياتي وش حصل
لي سنتين وحالتي ما هي تمام !
لو تنثر حروفي من شعوري جُمل
ما توصف أحوالي ولا فاد الكلام
أثر الألم ،، مكوناته ،، من أمل !
وأثر الأمل ،، مكوناته ،، من حُطام !
تعبت أقول إن الحصاد من العمل
لين العمل أصبح حصاده من غمام
من عادني صغيِّر وأنا توي طفل
شفت الحياة الفانية كلها انتقام !
والقوة الي كاسية وجه الجمل
ما قابله غير ابتسامات انهزام
وكثر الأماني بالضرورة ما تحل
لو بينها وبينك سهالة ،، وانسجام
والي بغيته لا صعب ومو سهل
حلمٍ وضوحه كالبدر ليل التمام
ما اخترته إلا من معاليقي نهل
كل المشاعر والأحاسيس العظام
ما أعرف إلا درب واحد للوصل
أدق بيبانه ،، وأخطب والسلام
بس القهر ،، قال الأهل ،، قال الأهل
لا يرفضونك ،، ثم نقضيها ملام
نبي نوقف لا تخلينا ،، نظل
والله إنه كافيٍ فيني ،، هيام
ما ودي إنا ناخذ الدعوة " أمل "
دام النهاية ما هي بخطوة أمام !
أنا تجرعت العشَم ،، حتى ذبل
ما عاد قلبي يحتمل طعن السهام
قلت المشاعر ؟ قال ما فيها أجَل
ادفن شعورك والله إنا ،، ما نُلام
من بعدها ودي أعوِّد ،، كالطفل
لجل أبكي شويه بحضن أمي وأنام ..!
#يوسف_بن_سعيد