أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
عبدالعزيز الرشيد 
جرّني جرّ الدلو من وسط جمّه .. إرتوى منّي و ردّ الدلـو فاضي
كثر الكلام
كثر الكلام بـ قلّة العرف لك عـار
يا جـاهلٍ ساقته الأريا السقيمه
خطاك ما يدمح و لو سقت الأعـذار
مايستوي طيب الحكي والشتيمه
شبّيت نـار الحقد و أحرقتك الـنـار
أنا أشهد إنك يالبهيمه ... بهيمه
تبي تشتّت بالغباء عنك الأنظار
وحنّا ما نعطي قاصر العرف قيمه
هـذا لـنـا مـبـدأ ولا أحدٍ بنا بـار
و صدورنا من فضل ربّي سليمه
كـبـار و نـقـابل مـن الـعـالـم كـبـار
عمر الرجل ما حطّ لاشٍ خصيمه
تاريخنا يوقف لـه إجلال و إكبار
و دروبـنا عن الـعـوج مستقيمه
إنشد قصر غيّاض بقفار وش صار
يوم إن راس القوم بقعاء تضيمه
وإنشد هل التاريخ وتجيك الأخبار
وش صار بالخبراء وطعم الهزيمه
حنّا هل الخبراء و حنّا هل قفار
إختر جحيم الـوقت و إلا نعيمه
سقم العدو حنّا و حنّا ذرى الجار
بـأفـعـال تـردف للعظيمه عظيمه
حنّا تميم العـزّ وافـيـيـن الأشبار
ولا يختلف حاضر تـميم و قديمه
ولو نترك ديارٍ و ننزل على ديـار
إنـفـوسنا بـالـعـزّ تبقى مـقـيـمه
تاريخ مـا غـطّاه يـا جاهـل غبار
و إلا الهليمه لـو تـعـظّم .... هليمه