أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
عبدالعزيز الرشيد 
جرّني جرّ الدلو من وسط جمّه .. إرتوى منّي و ردّ الدلـو فاضي
وفقة دراسة
يقول من هو زرع بـه ربـّه فـراسـه
و نفسه بلبسٍ من الإيمان كاسيها
من قاس من قبل غيصه فاده قياسه
ومن لا عـرف للحرار بجهل يشويها
وياللي تباها وسط ناسه بقرطاسه
الناس ما أنت بـحارمها و معطيها
بعض المواضيع والكلمات حسّاسه
و لا كـل رجـلٍ لـيـا جـاتـه يعدّيها
صحيح ما الله كتب لي وفقة دراسه
لكني أبحث دروب الرزق و أمشيها
وإن نام غيري ترى لي عين عسّاسه
أطول مسافـه ورى الأرزاق بـطويها
آخذ من الوقت ضيمه وآخذ أوناسه
و أميّز عزاز الأنفس من دوانيها
راع الـمعرفه و أعرفه طيّبٍ راسـه
و الجاهل عيونه الأوهـام تعميها
و الـمفلس اللي خلا راسه و كرّاسه
و دايم على رفـّة الأحـلام ... يرثيها
والناجح اللي من ظروفه قوى باسه
نفسه و كـفـّه على العزّه مضرّيها
يقطع جذوع الألم دام الأمل فاسه
و أرياق الأفراح قو الصبر يرويها
عبدالعزيز الرشيد