أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
محمد بن عمار 
اخواني اعضاء ومتابعي الديوان الكرام مبارك عليكم شهر رمضان الكربم
دلعهن عالي المستوى
دلعهن عالي المستوى
الهوى والمحبة ، و الدلع والجمال
والقلوب الرهيفه ، ماتخاون سوى
راعي القلب الأخضر لوتكلّف وشال
شال ثنتين منهن ،، كان قلبه . قوى
بس أنا ، شايل ٍ قلبي ، هموم ٍ ثقال
أربع ٍ فوق الأربع ، لين ذاب وذوى
همّ فرقا ، عشيري والتوجد ، ليال
وحرقة البعد في قلب ٍ جزع وإنكوى
لوأعدّد همومي وأضرب ابهن مثال
ما هقيت القوافي ، تشمل المحتوى
كنت أنا في طريقي ماشي ٍ بالعدال
مترك ٍ كل ذيب ٍ ، فوق رجمه عوى
لين قابلت ، رعبوب ٍ شبيه الغزال
غضة العود غر ٍ ، عقلها مااستوى
يوم لدّت ، بطرف ٍ ، زاهي الإكتحال
وسلهمة رمشها اللي للمحاجر زوى
وجيدها اللي مداريته بطرحه وشال
مثل عنق الوضيحي لا إنثنت إلتوى
وصفحة الخد يزهاها من الذوق خال
وأبيض اللولو ، اللي ،، للثنايا حوى
والشفايف ، لها ، ينبوع عذب ٍ زلال
راعي الغي عمره لوشرب ما إرتوى
قلت يا ريم صبري ، بالمعاناة طال
ما تشوفين حالي ، بالعذاب إنطوى
أسهرالليل دمعي من على الخد سال
وآتعبّر وراسي ، من ونيني ، خوى
وآآآهني الذي عمره ، تمنّى ، ونال
مرة ٍ ، في حياته ، أدرك اللي نوى
لضامرات البطون ومترفات الدلال
بالتغنّج ، دلعهن ، عالي ، المستوى
بس ياليت ،، ما تنفع على كل حال
التمنّي ، تجنّي ، والسلامه ، دواء
محمد بن عمار ــ جريح القصيد