أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
محمد بن عمار 
اخواني اعضاء ومتابعي الديوان الكرام مبارك عليكم شهر رمضان الكربم
الشمس والفيّ
الشمس والفي ّ
معه صرت مثل الشمس تتبع نزوح الفي ّ
مسار ٍ به الأهداف ، ماهي ، بمشروكة
عجب ..!! للمسافة بيننا ، في طريق الغيّ
متاهات حسيّة ،، وخطوات ، مربوكة
وكم قلت له ، لاجيت أحاكيك صدّ وعيّ
ولا ترحم اللي ، صحته ، دوم موعوكة
بعد مانقص قدره ، ولاعاد ، يسوى شيّ
غدت ، أغلب الساعات ، ببلاه مبروكة
بقلبي ، غرامه مات ، لايحسب إنه حي ّ
كتبت التنازل عنه ، وآبحرق صكوكه
سجلّه طويته .، من حياتي ، بيديني طيّ
قتلت بيقيني ..! مارد الظن ، وشكوكه
كواني غيابه ..! في سويداء خفوقي كيّ
دموعي على الأوجان ، والخد مسفوكة
تذكّرت ..!عهد ٍ لاطرى قلت أنا ياويّ
على شوفته جالس معي تضحك حنوكة
بهاك الجبين اللي كما البرق يشعل ضي ّ
وشهل العيون اللي من الكحل مدعوكة
وخد ٍ ، مثل ورد البساتين ،، حوله مي
ومنثور شعر ٍ سابح ٍ يوصل اوروكة
هجرني بعد ماأرووه كاس المكابر، ري ّ
وطاوع كلام اللي خذه في الهوى دوكة
عقب مالوى بالكذب ،عنق الحقيقة ، لي ّ
تركته .!؟ لو إن الروح ، بحماه مملوكة
عرفت إن حظّي ، دايما ًفي المحبة سي ّ
وثبت .!! إن حبه لي ، ألاعيب محبوكة
محمد بن عمار ــ جريح القصيد