أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
كسير الطرف
انشهد انـي كسـير الـطرف بغــيابك
لا ( قـوتي قـوه.. ولا حيلتـي حيلـه ) !
عهدٍ قطعته وقف يبكي على بابگ !!
وانت تتشمت على عهدك وتومي له !!
كمل غيابك و لكـن عطـني اسـبـابـك
ان كان حولك سبب !! لاهـنت ..ناديلـه
مادام خصمك امامك صفي حسابگ
ليه الـهروب الكسـير !! وليـه تمثيله...؟
من باب اولى تجـيبك شـرهة عتابـگ
ان كان باقي غلا حـشّم .. مواصـيله ؟!
سلم الوفا بالغياب المر ... يغتابك !
والليل يـلعنك .. ولا الجـرح !! عـزي لـه؟
ليلٍ يجيب المواجع ليه .. ماجابك !!
يامونِس الليــل !( يا آخر)تفاصـيلـه !!
شاعرك من قاسي الخذلان غنابك
ولا حدٍ سوا طيفك الكذاب يوحـي له !
جسّدت عذب الشعور برمشة اهدابك
حتى تدفق بصدري وانحدر ..سيله !!
كنت انت اعظم شعور وصدري كتابك
ورتلتله بخافقي واحسنت .. ترتيله ..!
واليوم اشوفك سعيد برفقة احبابك .!
وانا اعيشك حزن . "كلٍ على ليله"...!!
اموت في غيبتك واحياك واحيابك
قلبك تبدّل ولـكن !! .. صعب تبديله ؟
شعر / عبدالرحمن جابر الرويلي