عبدالعزيز الرميحي 
كل مطلع قصيدة شوق وانتي بخير
2012/07/0608:18 pm
عدد المشاهدات : 988
تـابوت !
لاتحطنـي بيـن الوهـم والحقيقـه
يا أعيش بعيونك على طول يا / أ موت
الى متـى ودروب لا ماك ضيقه
مليت أعاني منـك و الـوذ بسكـوت
أجـي لـك وكلـي مشاعـر طليـقـه
وأروح من عندك وأنا حيـل مكبـوت
من صبحي أجمع لـك ورود الحديقـه
وأرجع بيّدين القهـر غصن محتوت !
تصحي عصافير الفرح مستضيقه
في لحنها تصنع للاحلام تابوت
أشـوف نجـم سهيـل لاح و بريقـه
أقرب من اللي بيني وبينـه بيـوت !
و أقسى مـن اللـي واقعـه يستفيقـه
لاقيل له ما ينفـع الصـوت بالفـوت
فجر إنتظاري لـك طيـوره عتيقـه
غنت لهجرك صوت ما يشبـهه صـوت
ياصبر يا حرمـان ! ماهي طريقـه ؟
كم لي برجوى فرصة الوصل وتفـوت
غنت لهجرك صوت مايشبهه صووت
صح لسانك
من صبحي أجمع لـك ورود الحديقـه
وأرجع بيّدين القهـر غصن محتوت !
0
0
صح لسانك ولاهنت
سجل اعجابي