أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
الكايده
ادير الروابع ويش ابكتب بعد ما اقفّيت
وصدرت من حوض الهوى والهواويّه
وانا شاعرٍ لاضقت من خاطري ناديت
خزايز بيوت الشعر معنى وقافيّه
وإلا من طرالي بيت سجيت لي مع بيت
الافكار منساقه والابيات متليّه
ويوم استوى فكري على غايتي غنيت
بيوتٍ من اقصى الفكر والقلب مبنيّه
تبي تشرح اللي منه في خافقي عانيت
بيوتٍ على المنكوس والنيه النيّه
على صفحة التذكار وقت العصر مريت
وتوجدت ليت اللي حصل ماحصل ليّه
صحيح الهوى لامن تعمقت به دويت
ونسيت الصحيح وعشت فـ احلام ورديّه
تشوف التوجد والترزام لامن جيت
وكثير المشاعر فيه ماهي حقيقيّه
دخل فـ المحبه عالمٍ فـ الحقيقه هيت
تلهوابه من الضل فعقولها السيّه
تشوف الغشيم وطيب القلب والشويت
وتلقى العقارب فيه والداب والحيّه
وانا والله اني فـ المحبه بعد حبيت
عطيت الغلا باجمل صوّره الخياليّه
تقهويت من سلم العريبين واهل الصيت
ولايمكن اظهر نية الطيب ملويّه
بعد ماهويت الكايده جيت ماهديت
وصارحتها باسلوب عصري وعفويّه
وقالت هلابك مرحبا يالغلا حيييت
انا لك قبل لاتنطق اسم السنافيّه
احبك واباهي فيك ياالشاعر النعتيتت
جريئه وانا كنت احسبنها حياويّه
وانا من غلاها بين الاحزان والتنهيت
اكابر على كسري وانا اونس شواضيّه
كتبت الشعر فيها و عدّا بي و عديت
مراقب سلاطين القصيد الكباريّه
على كثر ماسويت فيها وماسويت
اشوف العمر فيها لو اهديته شويّه
حصل ماحصل واقفت وانا عقبها قفيت
وانا في ضلوعي فوق تسعين جنبيّه
عبدالله بن شعيفان السويدي