جذع الحنين

 
مآ عاد بالدنيا شيء ياخوك يغريني
                      هزيت جذع الحنين و طاحت اشواقي
طبع البداوه تعشعش في شراييني
                        اطرد ورا الغرب لين انباقت انياقي
عشريني ضاعت وﻻ ادري في ثﻻثيني!
                      ذابت مع نجوم ليل ن كحل احداقي !!
تعبت من غربتي و الشوق ياذيني
                         وش راحتي في زمان ٍ قيد اوثاقي
اصيح ويني و رد الصوت انا ويني؟
                       من جمر شوقي أحس الثلج حرَاقي
من يخمد البرد في صدري ويحييني ؟
                       أو يسكن الريح قبل اتبعثر اوراقي ؟
من يعتق الحب في قلبي و يرويني؟
                       وينهي شتاتي ويجمع عمري الباقي؟
من ينقذ الحلم قبل ايموت في عيني؟
                  أو يطرد الخوف يوم استوطن اعماقي؟
من يخبر الفرح عن مخبأ عناويني؟
                     وأعطيه قلب ٍ صدوق ٍ وافي ٍ راقي..
..قلب ابدوي ما خبرته خان بسنيني ..
                    نبضه كويتي و دمه جيرمن اعراقي